Mga Plano ng Misa 
Pagpapaubayà ng Tahanan kay Maria,
Tulong ng mga Kristiyano
Kabanál-banalang Birhen Maria,
na itinakdâ ng Diyós na Tulong ng mga Kristiyano,
ikáw ang Iná at Tagápagtanggól ng aming tahanan.
Nakikisuyò kamíng dulugán kami ng iyong pagtatanggól.
Iligtás ang aming tahanan sa lahát ng panganib:
sunog, bahâ, kidlát, unós, lindól, magnanakáw
at ibá pang panganib.
Pagpalain, iligtás at ipagtanggól sana kamí.
Ituring sana kamí at lahát ng sa ami'y naninirahan
bilang iyó na ring mag-anak.
Iligtás kamíng lahát sa anumáng aksidente o kasawiang-palad.
Ngunit bago sa lahát, sana'y ipagkaloób sa amin ang biyayà
na iwasan ang magkasala.
Maria, Tulong ng mga Kristiyano,
ipanalangin ang lahát ng nakatirá sa tahanan naming
ipinauubayà sa iyóng pangangalagà magpakailanmán.
Amen.
MAGSIMBA.COM sa Facebook
