23 Linggó sa Karaniwang Panahón, 9/8/2024
Leksyonaryo 128
Mga Awit sa Kapistahang Itó
Mga Pagbasa
Pagbasa 1: Propeta Isaias 35:4-7a
Ito ang sabihin sa pinanghihinaan ng loob:"Huwag kang matakot, lakasan mo ang iyong loob, darating na ang Panginoong Diyos, at ililigtas ka sa mga kaaway. Ang mga bulag ay makakikita, at makaririnig ang mga bingi; katulad ng usa, ang pilay lulundag, aawit sa galak ang mga pipi.
Mula sa gubat ay bubukal ang tubig at ang mga batis dadaloy sa ilang; ang umuusok na buhanginan ay magiging isang lawa, sa tigang na lupa ay babalong ang tubig."
1691
Tugon sa Salmo: Tugon sa Awit
1692
Salmong Tugunan: Awit 146:7, 8-9a, 9b-10
Ang maaasahang lagi'y Panginoon, panig sa naaapi, ang Diyos na hukom; may pagkaing handa, sa nangagugutom.Pinalaya niya ang mga nabihag; isinasauli, paningin ng bulag. Lahat ng inapi ay itinataas, ang mga hinirang niya'y nililingap.
Isinasanggalang ang mga dayuhang sa lupain nila'y doon tumatahan; tumutulong siya sa balo't ulila, masamang balangkas pinipigil niya.
Walang hanggang Hari, ang Diyos na Poon! Nabubuhay lagi ang Diyos mo, Sion!
1693
Pagbasa 2: Sulat ni Santiago 2:1-5
Mga kapatid, bilang sumasampalataya sa ating Panginoong Hesukristo, ang dakilang Panginoon, huwag kayong magtatangi ng tao.Halimbawa: pumasok sa inyong kapulungan ang isang lalaking nakasingsing ng ginto at nakadamit nang magara, at isa namang dukha na panay sulsi ang damit.
Kung asikasuhin ninyong mabuti yaong magara ang damit at sabihin sa kaniyá, "Dito kayo maupo," at sabihin naman sa dukha, "Tumayo ka na lang diyan," o kaya'y "Sa sahig ka na lang maupo," nagtatangi na kayo at humahatol nang mali. Tingnan ninyo, mga kapatid kong minamahal! Hinirang ng Diyos ang mga dukha sa sanlibutan upang maging mayaman sa pananampalataya at maging kasama sa kahariang ipinangako niya sa mga umiibig sa kaniyá.
1694
Magandang Balita: Marcos 7:31-37
Noong panahong iyon,pagbabalik ni Hesús mula sa lupain ng Tiro,
dumaan siyá sa Sidon,
at nagtuloy sa Lawa ng Galilea,
matapos tahakin ang lupain ng Decapolis.
Dinala sa kaniyá ang isang lalaking bingi at utal
at ipinamanhik nila na ipatong sa taong ito ang kaniyáng kamay.
Inilayo muna siyá ni Hesús sa karamihan,
at isinuot ang kaniyáng mga daliri sa mga tainga nito.
Pagkatapos,
lumura at hinipo ang dila nito.
Tumingala si Hesús sa langit at nagbuntong-hininga,
at sinabi sa tao,
"Effata," ibig sabihi'y "Mabuksan!"
At nakarinig na ito,
nawala ang pagkautal at nakapagsalita na nang malinaw.
Sinabi ni Hesús sa mga tao na huwag ibalita ito kaninuman;
ngunit kung kailan silá pinagbabawalan
ay lalo naman nilang ipinamamalita ito.
Silá'y lubhang nanggilalas,
at ang wika,
"Anong buti ng lahát ng kaniyáng ginawa!
Nakaririnig na ang bingi,
at nakapagsasalita ang pipi!"
1695
Magandáng Balità Biblia © 1980 Philippine Bible Society. All rights reserved.
Uwian, Ugnay, Yaman, Sinugboanon, Ilocano, Capampangan, Pangasinan
Welcome.
Magsimba. Litúrhiya. Filipino. www.magsimba.com Filipino Catholic Liturgical Resources Since 2006
Please pray for our work and make a donation. Please help. Salamat po.
Ang Aming Pakay: Mga yaman ng Litúrhiyang Tagalog | Litúrhiyang Filipino sa paghahandâ ng lingguhang pagdiriwang sa Misang Tagalog | Misang Filipino, sa Eukaristiya, ng pagliligtás ni Hesús sa atin: mga awit, salmong Tagalog, salmong Filipino, pagbasa sa Filipino | Tagalog.
Our mission: Filipino liturgy | Tagalog liturgy resources for preparing for the Tagalog Mass | Filipino Mass, the weekly celebration in the Eucharist of our redemption by Jesus: Tagalog hymns, Tagalog songs, Tagalog psalms, Tagalog readings, Filipino hymns, Filipino songs, Filipino psalms, Filipino readings, Pilipino hymns, Pilipino songs, Pilipino psalms, Pilipino readings for the Tagalog Eucharist, Filipino Eucharist.
Karapatáng-sipì © 2006-2022 Magsimba Press. Vic Romero, Editor. Nakabukód lahát ang karapatán. All rights reserved. Since 2006-08-04. Write to us at
info@magsimba.com.
Dumadalaw kayó mulâ sa IP 18.97.14.88