Nov 1: Lahat ng Banál, 11/1/2025
Leksyonaryo 667
Mga Awit sa Kapistahang Itó
Mga Pagbasa
Pagbasa 1: Pahayág 7:2-4,9-14
Akó’y si Juan,at nakita kong umaakyát sa gawing silángan ang isa pang anghel,
taglay ang pantatak ng Diyós na buhay.
Humiyaw siyá sa apat na anghel
na binigyan ng Diyós ng kapangyarihang maminsala sa lupa at sa dagat,
“Huwag muna ninyóng pinsalain ang lupa, ang dagat, o ang mga punongkahoy.
Hintayin ninyóng matatakan sa noó ang mga lingkód ng ating Diyós.”
At sinabi sa akin ang bilang ng mga tinatakan
-- sandaa’t apatnapu’t apat na libo buhat sa labindalawang lipi ng Israél.
Pagkatapos noo’y nakita ko ang napakaraming taong di kayang bilangin ninuman!
Silá’y mula sa bawat bansa, lahi, bayan at wika.
Nakatayo silá sa harap ng trono ng Kordero
nakadamit ng puti at may hawak na mga palaspas.
Sabay-sabay nilang sinabi,
“Ang kaligtasan ay mula sa Kordero,
at sa ating Diyós na nakaluklok sa trono!”
Tumayo ang lahát ng anghel sa palibot ng trono,
ng matatanda, at ng apat na nilalang na buháy.
Silá’y nagpatirapa sa harap ng trono at sumamba sa Diyós.
Ang wika nila,
“Amen! Sa ating Diyós ang kapurihan, kadakilaan,
karunungan, at kadakilaan magpakailanman! Amen!”
Tinanong akó ng isa sa matanda,
“Sino ang mga taong nakadamit na puti at saan silá nanggaling?”
“Hindi ko po alam,” tugon ko.
“Kayó ang nakaaalam.”
At sinabi niyá sa akin,
“Silá ang mga nagtagumpay sa kabila ng mahigpit na pag-uusig.
Nilinis nilá at pinaputî sa dugô ng Kordero ang kaniláng damit.”
2210
Tugon sa Salmo: Tugon sa Awit
Panginoon, ang bayan mo ay dumudulog sa iyo!2211
Salmong Tugunan: Awit 024:1-2, 3-4, 5-6
Ang buong daigdig, lahát ng naroon,may-ari’y ang Diyós, ating Panginoón;
ang mundo’y natayo at yaong sandiga’y ilalim ng lupa,
tubig kalaliman.
Sino ang marapat umahon sa burol, sa burol ng Poon,
sino ngang aahon?
Sino’ng papayagang pumasok sa templo,
sino’ng tutulutang pumasok na tao?
Siyá, na malinis ang isip at buhay,
na hindi sumamba sa diyus-diyusan;
tapat sa pangakó na binibitiwan.
Ang Panginoóng Diyós, pagpapalain siyá,
ililigtas siyá’t pawawalang-sala.
Gayon ang sinumang lumalapit sa Diyós,
siláng lumalapit sa Diyós ni Jacob.
2212
Pagbasa 2: I Sulat ni San Juan 3:1-3
Mga pinakamamahal:Isipin ninyó kung gaano kalaki ang pag-ibig sa atin ng Ama!
Tinatawag niyá tayong mga anak ng Diyós
– at iyan ang totoo.
Ito ang dahilan
kung bakit hindi tayo nakikilala ng mga makasanlibutan:
hindi nila kinikilala ang Diyós.
Mga minamahal,
sa ngayon,
tayo’y mga anak ng Diyós,
ngunit hindi pa nahahayag ang magiging kalagayan natin.
Gayunman, alam nating sa pagparitong muli ni Kristo,
tayo’y matutulad sa kaniyá,
sapagkat makikita natin siyá sa kaniyáng likas na kalagayan.
Kaya’t ang sinumang may pag-asa sa kaniyá ay nagpapakalinis,
tulad ni Kristo – siyá’y malinis.
2213
Pambungad:
Kayong mabigat ang pasan ay kay Hesus maglapitan upang kayo’y masiyáhan.2214
Magandang Balita: Mabuting Balita ayon kay San Mateo 5:1-12a
Noóng panahóng iyón,nang makita ni Hesús ang napakaraming tao,
umahon siyá sa bundók.
Pagkaupo niyá’y lumapit ang kaniyáng mga alagád,
at silá’y tinuruan niyá ng ganito:
“Mapalad ang mga abá na wala nang inaasahan kundi ang Diyós,
sapagkát makakasama silá sa kaniyáng kaharian.
Mapalad ang mga nahahapis,
sapagkát aaliwin silá ng Diyós.
Mapalad ang mga mapágpakumbaba,
sapagkát tatamuhin nila ang ipinangakò ng Diyós.
Mapalad ang mga nagmimithing makatupád sa kalooban ng Diyós,
sapagkát ipagkakaloób sa kanilá ang kanilang minimithi.
Mapalad ang mga mahabagin,
sapagkát kahahabagán silá ng Diyós.
Mapalad ang mga may malinis na pusò,
sapagkát makikita nilá ang Diyós.
Mapalad ang mga gumagawa ng daán sa ikapagkakasundo,
sapagkát silá’y ituturing ng Diyós na mga anák niyá.
Mapalad ang mga pinag-uusig
dahil sa kaniláng pagsunód sa kalooban ng Diyós,
sapagkát makákasama silá sa kaniyáng kaharian.
Mapalad kayó kapág dahil sa aki’y inaalimura kayó ng mga tao,
pinag-uusig at pinagwiwikaan ng lahát ng uri ng kasamaán
na pawang kasinungalingan.
Magdiwang kayó at magalák,
sapagkát malaki ang inyóng gantimpala sa langit.”
2215
Magandáng Balità Biblia © 1980 Philippine Bible Society. All rights reserved.
Uwian, Ugnay, Yaman, Sinugboanon, Ilocano, Capampangan, Pangasinan
Welcome.
Magsimba. Litúrhiya. Filipino. www.magsimba.com Filipino Catholic Liturgical Resources Since 2006
Please pray for our work and make a donation. Please help. Salamat po.
Ang Aming Pakay: Mga yaman ng Litúrhiyang Tagalog | Litúrhiyang Filipino sa paghahandâ ng lingguhang pagdiriwang sa Misang Tagalog | Misang Filipino, sa Eukaristiya, ng pagliligtás ni Hesús sa atin: mga awit, salmong Tagalog, salmong Filipino, pagbasa sa Filipino | Tagalog.
Our mission: Filipino liturgy | Tagalog liturgy resources for preparing for the Tagalog Mass | Filipino Mass, the weekly celebration in the Eucharist of our redemption by Jesus: Tagalog hymns, Tagalog songs, Tagalog psalms, Tagalog readings, Filipino hymns, Filipino songs, Filipino psalms, Filipino readings, Pilipino hymns, Pilipino songs, Pilipino psalms, Pilipino readings for the Tagalog Eucharist, Filipino Eucharist.
Karapatáng-sipì © 2006-2025 Magsimba Press. Vic Romero, Editor. Nakabukód lahát ang karapatán. All rights reserved. Since 2006-08-04. Dumadalaw kayó mulâ sa IP 216.73.216.51